არდა თურანის ჩხუბი თურქეთში: გატეხილი ცხვირი, ოპერაცია, ცეცხლსასროლი იარაღი...
"ბარსელონას" საკუთრებაში მყოფი ფეხბურთელი არდა თურანი სკანდალურ ცხოვრებას განაგრძობს. ამჯერად, 31 წლის ფეხბურთელმა თურქეთის ერთ-ერთ ბარში იჩხუბა.
Fanatik-ის ცნობით, ერთ-ერთ ბარში ყოფნისას, თურანმა ცნობილი თურქი მომღერლის, ბერქაი შაჰინის ცოლს უთხრა: "ცოლიანი რომ არ ვიყო, ასეთი ლამაზი ქალის გვერდზე არ ჩავივლიდი."
მოგვიანებით, თურანს თავად თურქ მომღერალთან ჩხუბი მოუვიდა. შაჰინი საავადმყოფოში გატეხილი ცხვირით გადაიყვანეს. მას ოპერაცია დასჭირდა.
Goal-ის ინფორმაციით, თურანი ბერქაისთან საავადმყოფოში ბოდიშის მოსახდელად მივიდა. მას თან ცეცხლსასროლი იარაღი ჰქონდა, რომელიც მომღერალს გაუწოდა და უთხრა: "არ ვიცოდი, თუ შენი ცოლი იყო. ბოდიშს გიხდი. თუ გინდა, შეგიძლია მომკლა."
არდა თურანმა ჩხუბის ფაქტი დაადასტურა, მაგრამ უარყო, რომ ამის მიზეზი მომღერლის მეუღლე იყო: "კი, გაუგებრობას ადგილი მართლაც ჰქონდა. თუმცა, ამის მიზეზი ეჭვიანობა არ ყოფილა."
ეს პირველი შემთხვევა არაა, როდესაც სამშობლოში დაბრუნებული თურანი სკანდალში ეხვევა. მიმდინარე წლის მარტში, ის თურქ ჟურნალისტს, მეუღლესთან დაკავშირებული კითხვის დასმის გამო, თავის გატეხვით დაემუქრა. მაისში კი, თურანი თურქეთის ჩემპიონატის მატჩის არბიტრს თავს დაესხა, რის გამოც მან 16-თამაშიანი დისკვალიფიკაცია მიიღო.
არდა თურანი "ბარსელონადან" "ბაშაქშეჰირში", იჯარის წესით, 2018 წლის იანვარში გადავიდა.
ამ სიახლეზე კომენტარები გათიშულია.
კომენტარები [ 12 ]