ლიონელ მესი "ოქროს ბურთის" გამოკითხვაში ლიდერობს
France Football, გამოცემა, რომელიც ყოველწლიურად "ოქროს ბურთის" გამარჯვებულს ავლენს, გულშემატკივრებში 2018 წლის საუკეთესო ფეხბურთელის გამოსავლენად გამოკითხვას ატარებს.
გამოკითხვის შედეგები ოფიციალური არაა და "ოქროს ბურთის" მფლობელი ამის მიხედვით არ დასახელდება, თუმცა არც გულშემატკივრის რჩეულად დასახელებაა პატარა ამბავი.
კითხვა ასეა დასმული: "თქვენი გადასაწყვეტი რომ იყოს, ვის გადასცემდით 2018 წლის ოქროს ბურთს"? ეს ნიშნავს, რომ გამოკითხვაში გამარჯვებული, გულშემატკივრების აზრით, "ოქროს ბურთს" იმსახურებს.
ამჟამად, გამოკითხვაში მონაწილეობა 400 ათასზე მეტმა ადამიანმა მიიღო. პირველ ადგილზე, 43%-ით ლეო მესია. მოჰამედ სალაჰი, რომელიც მთელი დღის განმავლობაში ლიდერობდა, 37%-ით, მეორე პოზიციას იკავებს. კრიშტიანუ რონალდუ, 8%-ით, მესამეა.
ხმის მიცემა ამ გვერდზე შეგიძლიათ.
ამ სიახლეზე კომენტარები გათიშულია.
კომენტარები [ 12 ]