ლუის ენრიკე ნაკრებში ერთი "ბარსელონელის" გამოძახებაზე: ეს არ მაინტერესებს
ესპანეთის ნაკრების მთავარმა მწვრთნელმა, ლუის ენრიკემ, უელსთან და ინგლისთან გასამართი მატჩებისთვის მხოლოდ ერთი "ბარსელონელის" გამოძახებაზე კომენტარი გააკეთა.
ლუის ენრიკემ ოქტომბრის თამაშებისთვის "ბარსელონადან" მხოლოდ სერხიო ბუსკეტსს უხმო. 48 წლის სპეციალისტმა კვლავ განაცხადს მიღმა დატოვა ჟორდი ალბა, რომელმაც "ტოტენჰემთან" ბრწყინვალედ ითამაშა და თავი 3 საგოლე გადაცემით გამოიჩინა. ოქტომბერში ნაკრებში ვერ ითამაშებს ასევე სერჟი რობერტო, რომელსაც ტრავმა აქვს.
"არ ვაპირებ იმ ფეხბურთელებზე საუბარს, რომლებიც არ გამომიძახია. ის, რომ შემადგენლობაში მხოლოდ ერთი "ბარსელონელი" მოხვდა, ჟურნალისტებს უფრო აინტერესებთ. ქუჩაში ამას არავინ მეკითხება. ფანებს უნდათ, რომ მოვიგოთ. მე 23-კაციანი შემადგნლობა მყავს. საქმე კლუბებში არაა." - ციტირებს ლუის ენრიკეს სიტყვებს Marca.
ამ სიახლეზე კომენტარები გათიშულია.
კომენტარები [ 17 ]