ტრიპიერი მესისთან დაპირისპირებაზე: ასეთ თამაშებზე ოცნებობ
ლონდონის "ტოტენჰემის" მარჯვენა მცველმა კირან ტრიპიერმა ჩემპიონთა ლიგის ჯგუფური ეტაპის მე-2 ტურში "ბარსელონასთან" წაგებულ მატჩში (2:4) კატალონიური გუნდის კაპიტანი ლიონელ მესი გამოარჩია, რომელმაც დუბლი შეასრულა.
"სწრაფი გოლის გაშვებით ძალიან იმედგაცრუებულები ვართ. თამაში ცოტა უცნაურად განვითარდა. ანგარიში შეიძლებოდა 4:1 ყოფილიყო, მაგრამ 3:2 გახდა. თუმცა, "ბარსელონას" ბოლო გოლი იმაზე მეტყველებს, რომ მან თავისი მომენტები გამოიყენა.
ლორისის შეცდომა? კარიდან გამოსვლა და ბურთზე წასვლა მისი გადაწყვეტილება იყო. ჩვენ მას მთელი 100 პროცენტით დავიცავთ.
მესისთან დაპირისპირება? ასეთ მატჩებში მონაწილეობა გინდა, ასეთ თამაშებზე ოცნებობ. ლეო წარმოუდგენელი იყო. როდესაც ის ასეთ ფორმაშია, საყურებლად ჯადოსნურია.
დღეს "ბარსელონა" უფრო ძლიერი იყო, მაგრამ კარგი მომენტებიც გვქონდა. წინ მორიგი მატჩი გველის. ძალებს აღვიდგენთ და ვნახავთ, სად დავუშვით შეცდომები." - ტრიპიერის ამ სიტყვებს BBC ციტირებს.
ამ სიახლეზე კომენტარები გათიშულია.
კომენტარები [ 4 ]