ბარსელონა-ბილბაო - ერნესტო ვალვერდე მატჩის წინ
"ბარსელონას" მთავარმა მწვრთნელმა ერნესტო ვალვერდემ ესპანეთის ჩემპიონატის მე-7 ტურში "ბილბაოსთან" გასამართი მატჩის წინ პრესკონფერენცია გამართა და რამდენიმე მნიშვნელოვან საკითხზე ისაუბრა.
"უმტიტიმ მუხლი დაიზიანა. ის ოთხშაბათს "ტოტენჰემთან" დისკვალიფიკაციის გამო ვერ ითამაშებდა.
ვნახოთ, როგორ განვითარდება მოვლენები. იმედი გვაქვს, სამუელი მალე დაგვიბრუნდება. მისი არყოფნა ჩვენთვის დანაკლისია.
პიკე ძალიან ფოკუსირებულია. ის ბევრს თამაშობს, ამიტომ, შესაძლოა, მან დაისვენოს და დაცვაში ერთად ლანგლემ და ვერმალენმა ითამაშონ. ვნახოთ.
რამდენიმე კორექტირებას ვიხილავთ. ეს არ ნიშნავს იმას, რომ მთელ მიდგომას შევცვლით. ვიცით, რომ მაღალი დონის ფეხბურთელები გვყვავს და არ ვფიქრობ, რომ სისტემა ძალიან მნიშვნელოვანია.
ხვალინდელ მატჩში, რომელიც განსხვავებული იქნება, კარგად უნდა ვითამაშოთ.
ვიცით, რომ "ბილბაოს" ფეხბურთის თამაში უყვარს. ისინი მთელი 90 წუთი იბრძოლებენ, ამიტომ გაგვიჭირდება. "ლეგანესთან" მარცხის ახსნა რთულია, მაგრამ ყველაფერი გავაანალიზეთ."
ამ სიახლეზე კომენტარები გათიშულია.
კომენტარები [ 6 ]