ფილიპე კოუტინიო: წინ განსაკუთრებული საღამო მელის
"ბარსელონას" ბრაზილიელმა ვარსკვლავმა, ფილიპე კოუტინიომ, ჩემპიონთა ლიგის ჯგუფური ეტაპის პირველ ტურში პსვ-სთან მატჩის წინ პრესკონფერენცია გამართა.
"განსაკუთრებული საღამო იქნება. შეხვედრას მოუთმენლად ველი, რადგან წინა სეზონში "ბარსელონას" მაისურით ჩემპიონთა ლიგაზე ვერ ვითამაშე.
"ბარსელონა" ყოველთვის ყველა ტურნირის მოსაგებად იბრძვის, მაგრამ ჩემპიონთა ლიგა უდიდესი ტურნირია და ძალიან გვინდა ის მოვიგოთ. ჩემპიონთა ლიგის მოგების სურვილი ყოველთვის მაღალია. ამის სურვილი ყველას გვაქვს - ფეხბურთელებსაც და გულშემატკივრებსაც.
ინიესტა გენიოსია. კომპლიმენტად ვიღებ, როდესაც მას მადარებენ, მაგრამ ვეცდები ფილიპე კოუტინიო ვიყო.
ყველა ახალწვეული მაღალი დონის ფეხბურთელია. ისინი ძალიან დაგვეხმარებიან.
კრიტიკოსები ყოველთვის იარსებებენ. ზოგიერთი თამაში ჩვენთვის კარგად არ მიმდინარეობს. ჯერჯერობით, ყველაფერი კარგად მიდის.
თამაშების გარედან ყურება ძნელია. თამაში და გუნდის დახმარება ყოველთვის მინდა.
არის თუ არა ჩემპიონთა ლიგის მოგება აკვიატებული აზრი? ფეხბურთელებს ყველაფრის მოგება სურთ.
მესისთან, სუარესთან და დემბელესთან ერთად თამაში ყველაფერს ამარტივებს.
ლა ლიგის თამაშის ამერიკაში ჩატარება ჩემი გადასაწყვეტი არაა.
თავს მარცხენა ფლანგზე უკეთ ვგრძნობ. ყოველთვის ამ ფლანგზე ვთამაშობდი.
ძნელია ავხსნათ, თუ რატომ მოიგო "ბარსამ" მხოლოდ ერთი ჩემპიონთა ლიგა ბოლო 5 წელიწადში, როდესაც ამ გუნდში ლეო მესი თამაშობს. ის მსოფლიოს საუკეთესო ფეხბურთელია. ახსნა არ მაქვს.
"ბარსელონაში" თამაში ჩემი ოცნება ყოველთვის იყო. აქ ყოფნა მინდოდა და ძალიან ბედნიერი ვარ."
ამ სიახლეზე კომენტარები გათიშულია.
კომენტარები [ 11 ]