"ბარსამ" თვალი ნაჩო მონრეალს დაადგა
ლონდონის "არსენალის" ვეტერანი მარცხენა მცველი ნაჩო მონრეალი "ბარსელონას" ინტერესის სფეროში მოექცა, იტყობინება Sport.
ცნობილია, რომ კატალონიელთა დამრიგებელს, ერნესტო ვალვერდეს, ჟორდი ალბას რეზერვისტი სჭირდება. ლუკა დინის გუნდიდან წასვლის შემდეგ, პირველ გუნდში მხოლოდ ერთი მარცხენა მცველი დარჩა, ხოლო "ბარსა ბ"-ში მოთამაშე 18 წლის ხუან მირანდას ვალვერდე გამოცდილებას უწუნებს.
კატალონიელი ჟურნალისტები, Daily Mirror-ზე დაყრდნობით, ავრცელებენ ინფორმაციას, რომლის თანახმადაც, "ბარსამ" თვალი 32 წლის ნაჩო მონრეალს დაადგა. ესპანელ მარცხენაფლანგელს "მეთოფეებთან" კონტრაქტი მიმდინარე სეზონის ბოლოს უმთავრდება და კატალონიელებს კარგი შანსი აქვთ ის იანვარში ხელში იაფად ჩაიგდონ. ამისთვის კი საჭიროა, რომ ფეხბურთელი დაითანხმონ "არსენალთან" ახალი ხელშეკრულება არ გააფორმოს.
ცნობილია ისიც, რომ "არსენალის" ახალ მთავარ მწვრთნელს, უნაი ემერის მონრეალის შენარჩუნება უნდა.
ამ სიახლეზე კომენტარები გათიშულია.
კომენტარები [ 9 ]