"ბარსელონამ" თვალი კიდევ ერთ ბრაზილიელ ტალანტს დაადგა
"ბარსელონა" ბრაზილიურ ბაზარზე აქტიურობას განაგრძობს. Sport-ის ცნობით, კატალონიელთა მორიგი სამიზნე "ფლამენგოს" ახალგაზრდა ნახევარმცველი ლუკას პაკეტაა.
პაკეტა ერთ-ერთ ბრაზილიელ მარგალიტად ითვლება, რომელზეც ბრაზილიური ფეხბურთი მომავალში უნდა აეწყოს, არტურთან ერთად.
21 წლის ლუკას პაკეტა "ფლამენგოს" სკოლის აღზრდილია. რიო დე ჟანეიროელთა პირველ გუნდში, 2016 წლიდან დღემდე, მან 36-ჯერ ითამაშა და 7 გოლი გაიტანა.
ლუკას პაკეტა ტიტემ მსოფლიოს 2018 წლის ჩემპიონატის გაფართოებულ შემადგენლობაში შეიყვანა და საბოლოოდ ის რეზერვისტებში დატოვა. პაკეტა 35-კაციან სიაში ყველაზე ახალგაზრდა იყო.
ეროვნულ გუნდში ფეხბურთელის დებიუტი რამდენიმე დღის წინ, აშშ-ს ნაკრების წინააღმდეგ გამართულ მატჩში შედგა, როდესაც ის მოედანზე 71-ე წუთზე გამოჩნდა.
პაკეტას გამოსასყიდი თანხა 50 მილიონი ევროა და მისი დამატებით "პარი სენ-ჟერმენიცაა" დაინტერესებული.
ამ სიახლეზე კომენტარები გათიშულია.
კომენტარები [ 6 ]