"ბარსელონამ" სილესენის შემცვლელი შეარჩია
იმ შემთხვევაში, თუ "ბარსელონას" სარეზერვო მეკარე იასპერ სილესენი დატოვებს, მას მისივე თანამემამულე, პსვ-ს კიპერი იერუმ ზოეტი შეცვლის.
ცნობილია, რომ სილესენს პირველობის ამბიცია აქვს, მაგრამ ერნესტო ვალვერდე ტერ შტეგენის მისით ჩანაცვლებას არ აპირებს. აქედან გამომდინარე, არაა გამორიცხული, 29 წლის ჰოლანდიელმა კატალონიური გუნდის დატოვება გადაწყვიტოს.
Mundo Deportivo-ს ცნობით, "ბარსა" სილესენის წასვლისთვის მზადაა და კლუბს მის შემცვლელად ასევე ჰოლანდიელი, 27 წლის მეკარე ჰყავს შერჩეული. პსვ-ს კარის დარაჯი, რომელიც ჰოლანდიის ნაკრებში სილესენის რეზერვისტია, იაფი ეღირება და ის მზად იქნება ტერ შტეგენის რეზერვისტობას დასთანხმდეს.
მიუხედავად ამისა, "ბარსელონას" პრიორიტეტი სილესენის შენარჩუნებაა და ზოეტის ტრანსფერი მხოლოდ იასპერის წასვლის შემთხვევისთვის განიხილება.
ამ სიახლეზე კომენტარები გათიშულია.
კომენტარები [ 6 ]