ერნესტო ვალვერდე: ძალიან ძლიერი მეტოქეები შეგვხვდა
"ბარსელონას" მთავარმა მწვრთნელმა, ერნესტო ვალვერდემ, ჩემპიონთა ლიგის წილისყრის შედეგი შეაფასა.
"რთული ჯგუფია, აქ ალბათ ყველაზე რთული მეტოქეები არიან, რაც კი შეიძლებოდა, შეგვხვედროდა.
შესანიშნავი, დიდი ისტორიის მქონე გუნდის წინააღმდეგ უნდა ვითამაშოთ. საყურებლად ლამაზი მატჩები იქნება, ჩვენ კი მოდუნების საშუალება არ გვექნება.
"ტოტენჰემი" ბოლო წლებში ძალიან მაღალ დონეზე თამაშობს. პოჩეტინოს გუნდი ფიზიკურად და ტექნიკურად ძლიერი ფეხბურთელებითაა დაკომპლექტებული და კარგად დაბალანსებულია. ალბათ, მეორე კალათიდან მათზე ძლიერი კლუბი ვერ შეგვხვდებოდა.
ჯგუფური ეტაპის კალენდარი ჩვენთვის კარგადაა შედგენილი, რადგან პირველ და ბოლო მატჩებს სახლში ვატარებთ. ვნახოთ, როგორ იმუშავებს დროის ცვლილებები. იმედი მაქვს, "ბარსელონას" მხარდაჭერისთვის "კამპ ნოუზე" ბევრი გულშემატკივარი მოვა". - განაცხადა ვალვერდემ.
ამ სიახლეზე კომენტარები გათიშულია.
კომენტარები [ 7 ]