ალბას გარეშე - ესპანეთის ნაკრებში მხოლოდ 2 "ბარსელონელი" დარჩა
ესპანეთის ეროვნული ნაკრების ახალმა თავარმა მწვრთნელმა, ლუის ენრიკემ გუნდის შემადგენლობა დაასახელა და ბევრისთვის მოულოდნელად, ჟორდი ალბა განაცხადს მიღმა დატოვა.
მას შემდეგ, რაც ანდრეს ინიესტა "ბარსელონადან" წავიდა, ჟერარ პიკემ სანაკრებო კარიერა დაასრულა, ხოლო ჟორდი ალბა განაცხადს მიღმა დარჩა, "ფურია როხას" შემადგენლობაში მხოლოდ ორი "ბარსელონელი" მოხვდა. ესენი სერჟი რობერტო და სერხიო ბუსკეტსი არიან.
ენრიკეს ალბა პირველად არ აუთვალწუნებია. "ბარსელონაში" მწვრთნელობის ბოლო სეზონის მიწურულს, ლუჩო სამმცველიან ტაქტიკაზე გადავიდა, რასაც სწორედ ალბა შეეწირა.
ჟორდი ალბა ესპანეთის ნაკრებში 2011 წლიდან თამაშობს. მის ანგარიშზე 66 მატჩი და 8 გოლია.
"ფურია როხა", UEFA-ს ერთა ლიგის ეგიდით, 8 სექტემბერს ინგლისს ეწვევა, ხოლო 11 სექტემბერს ხორვატიას უმასპინძლებს.
ამ სიახლეზე კომენტარები გათიშულია.
კომენტარები [ 29 ]