რონალდინიოს შვილმა "კრუზეიროში" შემოწმებაზე ვინაობის დამალვა სცადა

"ბარსელონას" და ზოგადად მსოფლიო ფეხბურთის ლეგენდის, რონალდინიოს შვილს, 13 წლის ჟოაო მენდესს გადაწყვეტილი აქვს, პროფესიონალი მოთამაშე გახდეს. ის "კრუზეიროს" ახალგაზრდულ გუნდში ჩაირიცხა. 

Globoesporte-ს ცნობით, ჟოაომ შემოწმების გავლისას თავისი ვინაობის დამალვა სცადა, რადგან უნდოდა, გუნდში არა მამამისის სახელის, არამედ მისი შესაძლებლობების გამო მიეღოთ. 

მენდესის მიმართ ინტერესს "პარი სენ-ჟერმენიც" იჩენდა, მაგრამ მან გარკვეული პერიოდის განმავლობაში სამშობლოში დარჩენა ამჯობინა.