რიკი პუჩი: "კამპ ნოუს" მინდორზე გასვლა შთამბეჭდავი იყო
ბოლო წლებში, "ბარსელონას" ახალგაზრდული გუნდებიდან ძირითად შემადგენლობაში დაწინაურებას არც ისე ბევრი ფეხბურთელი ახერხებს, მაგრამ 18 წლის რიკი პუჩს პრე-სეზონის ამხანაგურ მატჩებში საკმაოდ დიდი სათამაშო დრო მიეცა და სავარაუდოდ, ახლო მომავალში ერნესტო ვალვერდეს გუნდის განაცხადში რეგულარულად მოხვდება.
"ბავშვობიდან მოყოლებული, "კამპ ნოუ" ჩემი სახლია, ახლა კი, აქ მინდორზე გასვლა მოვახერხე და ეს შთამბეჭდავი იყო.
ისეთ თანაგუნდელებთან ერთად, როგორიც მე მყავს, მოედანზე თავს ყოველთვის გუნდის ნაწილად გრძნობ. ისინი საქმეს ძალიან მიადვილებენ.
მწვრთნელმაც მითხრა, რომ ისინი დამეხმარებოდნენ და ისე მეთამაშა, როგორც იქამდე ვიცოდი.
საკუთარ მოედანზე თავს ყოველთვის უფრო კომფორტულად გრძნობ, რადგან სახლთან ახლოს ხარ. აქ საოცარი ხალხია, რომლებიც ბოლომდე გვიჭერენ მხარს". - ამბობს ნახევარმცველი, რომლის დებიუტიც აშშ-ს ტურში შედგა, "კამპ ნოუზე" კი პირველად გუშინ, "ბოკა ხუნიორსის" წინააღმდეგ ითამაშა.
ამ სიახლეზე კომენტარები გათიშულია.
კომენტარები [ 12 ]