ვინ არის ფეხბურთელი, რომელიც, შესაძლოა, "ბარსელონამ" "რომას" წაართვას? [VIDEO]
ამ წუთებში, "ბარსელონას" გულშემატკივრების ყურადღება 21 წლის ბრაზილიელი შემტევის, მალკომისკენაა მიმართული.
ჯერ კიდევ გუშინ, "ბარსელონა" მალკომის ვარიანტს სერიოზულად არც განიხილავდა და ფეხბურთელის "ბორდოდან" "რომაში" გადასვლა გადაწყვეტილი იყო. თუმცა, კატალონიელები საქმეში ბოლო მომენტში ჩაერთვნენ და სიტუაცია შეიცვალა - ამ წუთებში, "ბარსას" და ფეხბურთელის აგენტს შორის მოლაპარაკებები მიმდინარეობს. ესპანური პრესის ცნობით, ესპანეთის ჩემპიონები მალკომში 41 მილიონს + ბონუსებს იხდიან.
მალკომ ფილიპე სილვა დე ოლივეირა მსოფლიო ფეხბურთის ერთ-ერთ მთავარ ამომავალ ვარსკვლავად მიიჩნევა. ის ბრაზილიური "კორინთიანსის" აღზრდილია, საიდანაც, 2016 წელს, "ბორდოში" გადავიდა. ფრანგული გუნდის მაისურით ჩატარებულ 96 შეხვედრაში მან 23 გოლი გაიტანა.
გასულ სეზონში, ევროპის წამყვან ხუთ ჩემპიონატში, მალკომი ერთ-ერთი საუკეთესო იყო გაკეთებულ მნიშვნელოვან გადაცემებში (Key Passes). მან 87 ასეთი გადაცემა გააკეთა, რაც ლეო მესის შედეგის იდენტურია.
აქვე გთავაზობთ ვიდეოს, სადაც მალკომის საუკეთესო მომენტებია შესული.
ამ სიახლეზე კომენტარები გათიშულია.
კომენტარები [ 15 ]