ჩერიშევის მამა შვილის "ბარსელონაში" გადასვლას არ გამორიცხავს
მადრიდის "რეალის" აღზრდილის, რუსი ფეხბურთელის, დენის ჩერიშევის მამა მისი შვილის "ბარსელონაში" გადასვლას არ გამორიცხავს, მაგრამ ასევე აცხადებს, რომ კატალონიელებისგან წინადადება ჯერ არ მიუღია. ეს კომენტარი დიმიტრი ჩერიშევმა იმ ინფორმაციის საპასუხოდ გააკეთა, რომლის თანახმადაც, "ბარსელონა" "ვილიარეალის" 27 წლის შემტევითაა დაინტერესებული.
"ბარსელონას" ინტერესის შესახებ, ჯერჯერობით, მხოლოდ პრესიდან ვიცი. ჩემთან კონტაქტზე არავინ გამოსულა. გამოცემა, რომელმაც ეს ინფორმაცია გაავრცელა, ყვითელ პრესას არ მიეკუთვნება, მაგრამ ამ საკითხზე განსახილველი ჯერ მაინც არაფერია.
არის თუ არა პრობლემა ის, რომ დენისი "რეალის" აღზრდილია? ეს მხარეების დაინტერესების საკითხია. თუ იარსებებს შემოთავაზება, რომელიც კლუბსა და ფეხბურთელს აწყობს, ნებისმიერი ტრანსფერი შეიძლება განხორციელდეს. თუმცა, ვიმეორებ, რომ ამ ეტაპისთვის, არავინ დამკავშირებია." - ციტირებს დიმიტრი ჩერიშევის სიტყვებს რუსული Riafan.
დენის ჩერიშევს, "რეალის" პირველ გუნდში, 7-ჯერ უთამაშია და მან მეტოქეთა კარი ერთხელ აიღო.
ამ სიახლეზე კომენტარები გათიშულია.
კომენტარები [ 7 ]