იერი მინა: ჩემი მიზანი "ბარსელონაში" დაბრუნებაა
"ბარსელონას" ცენტრალურმა მცველმა, კოლუმბიის ეროვნული ნაკრების გმირმა, იერი მინამ, მსოფლიო ჩემპიონატიდან გამოვარდნის შემდეგ, კომენტარი გააკეთა.
"მომხდარის გამო ძალიან ვწუხვართ. წაგება არ დაგვიმასხურებია. ინგლისზე კარგად ვითამაშეთ და მარცხი სამწუხაროა, რადგან თამაშის მოგება თერთმეტმეტრიანების სერიამდე შეგვეძლო.
მადლობა ღმერთს, რომ ნაკრებისთვის კიდევ ერთი მნიშვნელოვანი გოლი გავიტანე. მეგონა, რომ მოვიგებდით.
ჩემი მიზანი "ბარსელონაში" დაბრუნებაა. ახლა, მომავალზე ფიქრის დრო არაა. მსოფლიო ჩემპიონატი საკუთარი თამაშის დაბრუნებაში დამეხმარა." - ციტირებს მინას სიტყვებს Mundo Deportivo.
იერი მინამ, მსოფლიო ჩემპიონატზე, 3 თამაში ჩაატარა და გოლი ყველა მათგანში გაიტანა. გუშინ, ინგლისთან მატჩის დამატებით დროში გამათანაბრებელი გოლი სწორედ მან გაიტანა, მაგრამ კოლუმბია თერთმეტმეტრიანების სერიაში დამარცხდა.
ამ სიახლეზე კომენტარები გათიშულია.
კომენტარები [ 8 ]