Don Balon: აბიდალს "ბარსელონაში" კანტეს მოწვევა სურს

კატალონიის "ბარსელონა" ლონდონის "ჩელსის" ჩამშლელი ნახევარმცველით, ნგოლო კანტეთი დაინტერესდა. ამ ინფორმაციას ესპანური Don Balon ავრცელებს.

კანტე "ჩელსის" ერთ-ერთ წამყვან ფეხბურთელად ითვლება. ის ლონდონელებმა 2016 წელს "ლესტერიდან" შეიძინეს. 27 წლის ფეხბურთელმა გასულ სეზონში 40 მატჩი ჩაატარა, ერთი გოლი გაიტანა და 2 შედეგიანი გადაცემა გააკეთა.

წყაროს ინფორმაციით, კატალონიელთა ახალ სპორტულ დირექტორს, ერიკ აბიდალს, "ბარსელონაში" ფრანგი ფეხბურთელის მოწვევა სურს, გუნდის ლიდერები კი, მათ შორის ლიონელ მესიც, ამ იდეას მხარს უჭერენ.

აქვე დავძენთ, რომ Don Balon ერთ-ერთ არასანდო ესპანურ გამოცემად მიიჩნევა.