Sport: ფრენკი დე იონგი "ბარსაში" გადასვლაზე თანახმაა. "აიაქსი" 50 მილიონს ითხოვს
ამსტერდამის "აიაქსის" ახალგაზრდა ნახევარმცველი ფრენკი დე იონგი "ბარსელონას" უფრო და უფრო უახლოვდება. კატალონიური კლუბი კვლავ ცდილობს 21 წლის პერსპექტიული ფეხბურთელის შეძენას.
გუშინ კატალონიურმა Mundo Deportivo-მ გაავრცელა ინფორმაცია, რომ დე იონგის აგენტი ესპანეთში ჩაფრინდა და კლუბის წარმომადგენლებთან მოლაპარაკებები გამართა. ამ შეხვედრის დეტალები ცნობილი არაა, მაგრამ ვარაუდობენ, რომ "ბარსელონა" ტრანსფერის გადადებას მომავალი ზაფხულისთვის გეგმავს, რისი მიზეზიც ჰოლანდიელი ფეხბურთელის მაღალი სატრანსფერო ფასია.
დღეს კიდევ ერთი კატალონიური გამოცემა Sport ავრცელებს ინფორმაციას, რომ დე იონგი "ბარსელონაში" გადასვლაზე თანახმაა. თუმცა, "აიაქსი" მის სანაცვლოდ მინიმუმ 50 მილიონ ევროს ითხოვს. კატალონიელებს ეს ფასი ეძვირებათ და მის შემცირებას შეეცდებიან, რის გამოც, როგორც უკვე მოგახსენეთ, არაა გამორიცხული, ტრანსფერი ერთი წლით გადაიდოს.
ამ სიახლეზე კომენტარები გათიშულია.
კომენტარები [ 8 ]