ივან რაკიტიჩის ხორვატია ჯგუფიდან 9 ქულით გავიდა [ვიდეო]
ნიგერიის და არგენტინის დაპირისპირების პარალელურად, როსტოვში ხორვატიის ნაკრები, რომელსაც ჯგუფიდან გასვლა თამაშამდეც განაღდებული ჰქონდა, ისლანდიას შეხვდა.
ხორვატების შემადგენლობა მეტ-ნაკლებად გადახალისებული იყო. ივან რაკიტიჩი, რომელიც გუნდის ერთ-ერთი ლიდერია, თამაშში სათადარიგოთა სკამიდან, 82-ე წუთზე მატეო კოვაჩიჩის ნაცვლად ჩაერთო.
პირველ ნახევარში გოლი არ გასულა, მეორე ტაიმში კი ნომინალური სტუმრები მილან ბადელმა დააწინაურა. 76-ე წუთზე, გილფი სიგურდსონმა პენალტით ანგარიში 1-1 გახადა, საბოლოო ანგარიში კი 90-ე წუთზე ივან პერიშიჩმა დააფიქსირა.
ხორვატია ჯგუფიდან 9 ქულით, 7 გატანილი და მხოლოდ ერთი გაშვებული ბურთით გავიდა. მერვედფინალში ზლატკო დალიჩის გუნდის მეტოქე დანიის ნაკრები იქნება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 3 ]