საფრანგეთის ნაკრებმა C ჯგუფში პირველი ადგილი დაიკავა
ცოტა ხნის წინ, C ჯგუფის დასკვნითი შეხვედრები დასრულდა. მოსკოვში, ლუჟნიკის სტადიონზე, ერთმანეთს საფრანგეთის და დანიის ნაკრებები დაუპირისპირდნენ. ჯგუფიდან გასასვლელად, ფრე ორივე გუნდს აწყობდა და მატჩიც გოლის გარეშე მორჩა, თანაც განსაკუთრებული მონდომებით არცერთ ნაკრებს არ შეუტევია.
თამაში ძირითადი შემადგენლობიდან დაიწყო უსმან დემბელემ, რომელმაც რამდენიმე სახიფათო შეტევაში მიიღო მონაწილეობა, 78-ე წუთზე კი მწვრთნელმა, დიდიე დეშამმა ის მოედნიდან გაიყვანა. რაც შეეხება სამუელ უმტიტის, მას შეხვედრაში მონაწილეობა არ მიუღია.
პარალელურად, პერუს ნაკრებმა ავსტრალია 2-0 დაამარცხა.
საფრანგეთის ნაკრები მერვედფინალში D ჯგუფის მეორეადგილოსანს შეხვდება, დანიის მეტოქე კი, დიდი ალბათობით, ივან რაკიტიჩის ხორვატია იქნება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 2 ]