AS: მოჰამედ სალაჰი "ბარსელონას" შესთავაზეს
ინგლისური "ლივერპულისა" და ეგვიპტის ნაკრების ლიდერი მოჰამედ სალაჰი, მისმა გარემოცვამ, "ბარსელონას" შესთავაზა. ამ ინფორმაციას, AS-ზე დაყრდნობით, Sport ავრცელებს.
ესპანელი ჟურნალისტების ცნობით, სალაჰი შეგვიძლია ანტუან გრიზმანის ალტერნატივად განვიხილოთ. "ბარსელონა" მზადაა ფრანგი ფეხბურთელის გამოსასყიდი თანხა, 100 მილიონი ევრო გადაიხადოს, მაგრამ გრიზმანს "ატლეტიკოსგან" ფინანსურად ძალიან მიმზიდველი შეთავაზება აქვს და შესაძლოა, მან დარჩენა გადაწყვიტოს.
გრიზმანის ტრანსფერში წარუმატებლობის შემთხვევაში, "ბარსელონამ", შესაძლოა, სალაჰის შეძენაზე იზრუნოს. გავრცელებული ინფორმაციით, კატალონიელები ეგვიპტელის წარმომადგენლებთან მოლაპარაკებებს უკვე აწარმოებენ. ტრანსფერის სავარაუდო თანხად 100 მილიონი ევრო სახელდება.
მოჰამედ სალაჰი ინგლისის პრემიერ ლიგის გასული გათამაშების საუკეთესო ბომბარდირი და ფეხბურთელია. "ოქროს ბუცისთვის" ბრძოლაში ის მხოლოდ ლეო მესის ჩამორჩა.
ამ სიახლეზე კომენტარები გათიშულია.
კომენტარები [ 16 ]