გრიზმანის ტრანსფერთან დაკავშირებული გადამწყვეტი თარიღები
"ატლეტიკოს" შემტევი, ანტუან გრიზმანი ზაფხულის სატრანსფერო ფანჯრისთვის "ბარსელონას" მთავარი სამიზნეა. კატალონიური Sport ასახელებს 4 გადამწყვეტ თარიღს, რომლებმაც ფრანგი ფეხბურთელის მომავალი ცნობილი უნდა გახადოს.
20 მაისი
მადრიდული გუნდის ბოლო თამაში 2017/18 წლების სეზონში. შესაძლოა, სწორედ ამ დღეს განაცხადოს გრიზმანმა, რომ კლუბის დატოვებას აპირებს.
16 ივნისი
ამ დღეს საფრანგეთის ნაკრები მსოფლიოს თასზე ასპარეზობას დაიწყებს. გრიზმანს სურს, მისი მომავალი მუნდიალამდე გაირკვეს, ასე რომ, მისმა აგენტებმა ტრანსფერი დაახლოებით ამ დღისთვის შეათანხმონ.
30 ივნისი
ეს ბოლო დღეა, როცა ანტუანის გამოსასყიდი თანხის რაოდენობა 200 მილიონია. მომდევნო დღეს ეს თანხა ორჯერ მცირდება.
1 ივლისი
Sport-ის ცნობით, "ბარსელონას" ტრანსფერის დადასტურება სწორედ ამ დღეს სურს. დიდი ალბათობით, კატალონიელები უბრალოდ ფრანგის გამოსასყიდ თანხას გადაიხდიან. ისიც შეიძლება, რომ "ბარსამ" "ატლეტიკოსთან" განსხვავებულ შეთანხმებას მიაღწიოს.
ამ სიახლეზე კომენტარები გათიშულია.
კომენტარები [ 4 ]