სელტა-ბარსელონა 2:2 - ვალვერდეს კომენტარი მატჩის შემდეგ
"ბარსელონას" მთავარი მწვრთნელი ერნესტო ვალვერდე, "სელტასთან" გუშინ გამართული შეხვედრის (2:2) შემდეგ, კომენტარს აკეთებს და იმ მიზეზზე საუბრობს, რომლის გამოც მან გუნდის ლიდერები დაასვენა.
"რთული თამაში გამოვიდა. მეტოქეს შესანიშნავი შეტევა ჰყავს და ბრწყინვალე ფეხბურთელი იაგო ასპასი. მას ძალიან კარგი სეზონი აქვს.
სერჟის გაძევების შემდეგ, უკან დახევა მოგვიხდა, "სელტამ" კი შეტევა განაგრძო და ამის გამო, თამაში 2:2 დასრულდა.
3 ქულის აღება გვინდოდა, მაგრამ მეტოქემ პრობლემები შეგვიქმნა.
მეტოქის საჯარიმოში შევდიოდით, მომენტებს ვქმნიდით და თამაშს ვაკონტროლებდით.
დღეს 1 ქულა ავიღეთ. ტიტულამდე კიდევ 6 ქულა გვაშორებს.
"სევილიასთან" მატჩს კარგ ფორმაში ვხვდებით. ამ გუნდის თამაშს ვუყურე. იმედი მაქვს, შაბათს პირველ ტიტულს მოვიგებთ.
ბევრი ცვლილება განვახორციელე, რადგან ესპანეთის თასის მნიშვნელოვანი ტურნირია და წინ ფინალი გველის.
გადავწყვიტე, გამერისკა და შემადგენლობა შემეცვალა, რადგან შაბათს მნიშვნელოვანი დაპირისპირება გვაქვს."
ამ სიახლეზე კომენტარები გათიშულია.
კომენტარები [ 5 ]