ჩავი: გვარდიოლასთან მუშაობას ვისურვებდი, ის ფეხბურთის ოსტატია
"ბარსელონას" ლეგენდარულმა ნახევარმცველმა, ჩავი ერნანდესმა, რომელიც ამჟამად ყატარულ "ალ სადში" ასპარეზობს, განაცხადა, რომ "მანჩესერ სიტის" მთავარ მწვრთნელთან, ჟოსეპ გვარდიოლასთან დამხმარედ მუშაობის წინააღმდეგი არ იქნებოდა.
1998-2001 წლებში ჩავი და გვარდიოლა კატალონიურ კლუბში თანაგუნდელები იყვნენ, ხოლო 2008-2012 წლებში ესპანელი ნახევარმცველი "სიტის" ამჟამინდელი დამრიგებლის ხელმძღვანელობის ქვეშ თამაშობდა.
"გვარდიოლას ხელმძღვანელობის ქვეშ თამაში მომწონდა, ვინაიდან ჩვენ სათამაშო პროცესზე მსგავსი შეხედულებები გვაქვს. ხდებოდა ისე, რომ შესვენების დროს გასახდელში სამ რაღაცაზე ფიქრით მივდიოდი, რომლებიც პირველ ტაიმში მაწუხებდა და ჟოსეპი გუნდს სწორედ მათზე ესაუბრებოდა. ჩვენ შორის ურთიერთგაგება არსებობდა.
ვარ თუ არა მზად ოდესმე გვარდიოლასთან ვიმუშაო? რატომაც არა? ყოველ ჯერზე, როდესაც ასეთი შესაძლებლობა იყო, მე ბევრს ვსწავლობდი. ის ჩემთვის ფეხბურთის ოსტატია." - ციტირებს ჩავის სიტყვებს Daily Mail.
ამ სიახლეზე კომენტარები გათიშულია.
კომენტარები [ 5 ]