ვალვერდე: იმედი მაქვს, რიკი პუჩი "ბარსელონაში" ბევრს მიაღწევს

ერნესტო ვალვერდე "ბარსელონას" სარეზერვო გუნდის წევრ რიკი პუჩზე საუბრობს, რომელმაც ბოლო ვარჯიში ძირითად შემადგენლობასთან ერთად ჩაატარა. 

"ახალგაზრდული გუნდის ფეხბურთელებს დროთა განმავლობაში ვეცნობი. პუჩი ენთუზიაზმით გამორჩეული, ძალიან კარგი მოთამაშეა, ზუსტად "ბარსას" სტილის. არ ვიცი, რა ელის მომავალში, მაგრამ იმედი მაქვს, კლუბთან ერთად ბევრს მიაღწევს, ვფიქრობ, მას დიდი მომავალი აქვს. 

რიკი ჯერ კიდევ ახალგაზრდაა, ის 19 წლამდელთა გუნდის წევრია, მაგრამ ამ სეზონში "ბარსა ბ"-შიც თამაშობს, ორშაბათს კი ჩვენთან ივარჯიშა".