"ბარსელონა" ვერმალენს ახალ კონტრაქტს გაუფორმებს, ან წელსვე გაყიდის
"ბარსელონა" გუნდის ბელგიელი ცენტრალური მცველისთვის, ტომას ვერმალენისთვის ახალი კონტრაქტის შეთავაზებას აპირებს, მაგრამ თუ მხარეებმა შეთანხმებას ვერ მიაღწიეს, კატალონიელები ფეხბურთს გაყიდიან. ამ ინფორმაციას Sport ავრცელებს.
ბელგიელი უკანახაზელი, პიკესა და უმტიტის შემდეგ, გუნდის მე-3 ცენტრალურ მცველად მიიჩნევა. ერნესტო ვალვერდე 32 წლის ფეხბურთელის თამაშით კმაყოფილია, კლუბის ხელმძღვანელობა კი მასთან ხელშეკრულების გახანგრძლივებას აპირებს.
ვერმალენს "ბარსელონასთან" კონტრაქტი 2019 წლის ზაფხულამდე აკავშირებს. კატალონიელებს სურთ, რომ ხელშეკრულება კიდევ ერთი წლით გახანგრძლივდეს. თუ მხარეებმა შეთანხმებას ვერ მიაღწიეს, "ბარსა" ეცდება, წარმატებული სეზონის შემდეგ, ფეხბურთელი შეძლებისდაგვარად სარფიანად მიმდინარე წელსვე გაყიდოს და მისი გუნდიდან უფასოდ წასვლა თავიდან აიცილოს.
მიმდინარე სეზონში, ვერმალენმა, "ბარსელონას" მაისურით, 16 თამაში ჩაატარა, რაც წინა ორ სეზონში ჩატარებულ მატჩებზე ოთხით ნაკლებია.
ამ სიახლეზე კომენტარები გათიშულია.
კომენტარები [ 4 ]