ლემპარდი: "ჩელსიმ" "კამპ ნოუზე" თავი უნდა დაიცვას და კონტრშეტევებით გატანაზე იზრუნოს
ლონდონის "ჩელსის" ლეგენდარული ფეხბურთელი, ფრენკ ლემპარდი მიიჩნევს, რომ "ბარსელონასთან" დაპირისპირება პრემიერ ლიგაში ჩატარებული მატჩებისგან განსხვავებული იქნება. მისი აზრით, ლონდონელებმა კატალონიაში თავის დაცვაზე და შემდეგ კონტრიერიშებზე გოლების გატანაზე უნდა იზრუნონ.
"ჩელსიმ" "კრისტალ პალასთან" არც ისე კარგად ითამაშა, მაგრამ ეს მოსაგებად საკმარისი აღმოჩნდა. "ბარსელონა" კი სულ სხვა გუნდია.
"კამპ ნოუზე", მითუმეტეს მაშინ, როცა შენს წინააღმდეგ ლეო მესი თამაშობს, სასურველი შედეგის მიღწევა რთულია, მაგრამ თუ საკუთარი კარის კარგად დაცვას და გოლების გატანას მოახერხებს, "ჩელსი" ამას შეძლებს.
ის მაღელვებს, რომ კლუბის გარშემო ნეგატიური საუბრები მიდის, განსაკუთრებით მწვრთნელთან დაკავშირებით. "ჩელსი" შარშანდელი შედეგის შემდეგ, წინ არ წასულა, როცა სხვა გუნდებმა ეს მოახერხეს". - ამბობს ლემპარდი.
ამ სიახლეზე კომენტარები გათიშულია.
კომენტარები [ 7 ]