"ბარსელონა" "სოსიედადის" რეკორდს უმიზნებს
მას შემდეგ, რაც ერნესტო ვალვერდემ ლუის ენრიკეს დაწყებული საქმე განაგრძო, "ბარსელონას" წაუგებელი სერია 32 მატჩამდე გაზრდა და საკლუბო რეკორდი დაამყარა, კატალონიელებმა ესპანურ რეკორდს დაუმიზნეს.
პრიმერას გასული გათამაშების ბოლო 7 და მიმდინარეს პირველი 25 შეხვედრის წაუგებლად ჩატარების შემდეგ, "ბარსელონამ" საკლუბო რეკორდი მოხსნა, რომელიც პეპ გვარდიოლას გუნდს (2010/11 წლების სეზონი) ეკუთვნოდა. 32-მატჩიანი წაუგებელია სერია, ესპანურ ფეხბურთში, მე-2 საუკეთესო შედეგია.
რეკორდი "რეალ სოსიედადს" ეკუთვნის, რომელსაც 1979-1980 წლებში 38-მატჩიანი წაუგებელი სერია ჰქონდა.
იმისათვის, რომ "ბარსამ" "სოსიედადის" რეკორდი გაიმეოროს, კატალონიელებმა "ლას პალმასთან", "ატლეტიკოსთან", "მალაგასთან", "ბილბაოსთან", "სევილიასთან" და "ლეგანესთან" არ უნდა წააგონ. ხოლო თუ გუნდი არც "ვალენსიასთან" დამარცხდა, ახალ რეკორდს დაამყარებს.
ამ სიახლეზე კომენტარები გათიშულია.
კომენტარები [ 6 ]