პიკეს სასჯელი კვლავ ემუქრება
ესპანეთის ფეხბურთის ფედერაციის საშეჯიბრო კომიტეტი ჟერარ პიკეს წინააღმდეგ შეტანილ კიდევ ერთ, ამჯერად ლა ლიგის საჩივარს განიხილავს.
"ესპანიოლსა" და "ბარსელონას" შორის გამართულ მატჩში, ქულების გამყოფი გოლი ჟერარ პიკემ ტუჩებზე თითის მიდებით აღნიშნა. "ესპანიოლმა" მიიჩნია, რომ ეს პროვოკაციული ჟესტი იყო და ფეხბურთის ფედერაციაში საჩივარი შეიტანა, თუმცა საშეჯიბრო კომიტეტმა დაადგინა, რომ გოლის აღნიშვნისთვის ფეხბურთელის დასჯა მიზანშეწონილი არ იყო და საკითხიც, თითქოს, ამოიწურა.
ახალხანს, Cadena Cope-მ გაავრცელა ინფორმაცია, რომლის თანახმადაც, პიკეს წინააღმდეგ საჩივარი არა რომელიმე კლუბმა, არამედ ესპანეთის ჩემპიონატის ორგანიზატორმა, ლა ლიგამ შეიტანა, რაც ისტორიაში პირველად მოხდა. ახლა, ფედერაციის საშეჯიბრო კომიტეტი ყველა მხარეს მოუსმენს და ამის შემდეგ გადაწყვეტს, დასაჯოს თუ არა ფეხბურთელი.
ამ სიახლეზე კომენტარები გათიშულია.
კომენტარები [ 26 ]