ოფიციალურად: თასის ფინალს "ვანდა მეტროპოლიტანო" უმასპინძლებს
დღეს ოფიციალურად დადასტურდა, რომ ესპანეთს თასის ფინალი, რომელშიც ერთმანეთს "ბარსელონა" და "სევილია" დაუპირისპირდებიან, მადრიდის "ატელტიკოს" საშინაო არენაზე, "ვანდა მეტროპოლიტანოზე" გაიმართება.
"სევილია" ფინალის საკუთარ მოედანზე ჩატარებას ითხოვდა, "ბარსელონა" - "ვანდა მეტროპოლიტანოზე". "ვალენსიას" ფედერაციას საკუთარ "მესტალიას" სთავაზობდა. ფედერაციამ საბოლოო არჩევანი გასულ წელს განახლებულ "ვანდა მეტროპოლიტანოზე" შეაჩერა, რომელიც 67 829 ადამიანს იტვევს. ეს სტადიონი, "კამპ ნოუსა" (99 354) და "სანტიაგო ბერნაბეუს" (81 044) შემდეგ, ესპანეთში ყველაზე დიდია. სავარაუდოდ, ერთ-ერთი ფაქტორი ესეც იყო.
თასის ფინალის "ვანდა მეტროპოლიტანოზე" ჩატარება ნიშნავს, რომ "ბარსელონა"-"ვილიარეალისა" და "სევილია"-"რეალის" გარდა, გადაიდება "ატლეტიკო"-"ბეტისის" დაპირისპირებაც. შესაძლოა, "ვანდას" არჩევის ერთ-ერთი მიზეზი ისიც იყოს, რომ "ატლეტიკოს", რომელიც საჩემპიონო ბრძოლაში "ბარსელონას" ერთადერთ კონკურენტად მოიაზრება, 34-ე ტურის შემდეგ, კატალონიელებზე ერთით მეტი თამაში არ ჰქონოდა ჩატარებული და პირველობისთვის დაპირისპირებას ბუნებრივი სიმწვავე შეენარჩუნებინა.
"ბარსელონასა" და "სევილიას" გადამწყვეტი დაპირისპირება 21 აპრილს გაიმართება.
ამ სიახლეზე კომენტარები გათიშულია.
კომენტარები [ 8 ]