ოფიციალურად: პიკე და დემბელე "ხეტაფესთან" მატჩის განაცხადში მოხვდნენ
რამდენიმე წუთის წინ ცნობილი გახდა იმ 18 ფეხბურთელის ვინაობა, რომლებიც "ხეტაფესთან" გასამართი მატჩის განაცხადში მოხვდნენ. კვლავ მათ შორისაა ტრავმირებული ჟერარ პიკე.
პიკემ ტრავმა "ესპანიოლთან" ლა ლიგის წინა ტურში გამართულ შეხვედრაში მიიღო, მაგრამ გუნდში არსებული საკადრო პრობლემების გამო, გუნდს ესპანეთის თასის ნახევარფინალში, "ვალენსიას" წინააღმდეგ მაინც დაეხმარა.
ტომას ვერმალენის ტრავმისა და სამუელ უმტიტის დისკვალიფიკაციის გამო, ვალვერდეს კვლავ მოუწია პიკე განაცხადში შეეყვანა.
კარგი ამბავი ისაა, რომ განაცხადს დაუბრუნდა უსმან დემბელე.
ვერმალენისა და უმტიტის გარდა, განაცხადს მიღმა დენის სუარესი და ანდრე გომეში დარჩნენ.
"ბარსელონას" განაცხადი ასე გამოიყურება: ტერ შტეგენი, სემედუ, პიკე, რაკიტიჩი, ბუსკეტსი, ინიესტა, სუარესი, მესი, დემბელე, სილესენი, კოუტინიო, პაულინიო, ალკასერი, ალბა, დინი, ს. რობერტო, ვიდალი, მინა.
ამ სიახლეზე კომენტარები გათიშულია.
კომენტარები [ 27 ]