დღე, როცა კრუიფი მოედნიდან პოლიციამ ძალით გაიყვანა

9 თებერვალი, "ბარსელონას" ისტორიაში, ერთ საინტერსეო შემთხვევას უკავშირდება.

ზუსტად 43 წლის წინ, 1975 წლის 9 თებერვალს, "ბარსელონა", ესპანეთის ჩემპიონატის მატჩში, "მალაგას" სტუმრად უპირისპირდებოდა. შეხვედრის 36-ე წუთზე, როდესაც ანგარიში 1:1 იყო, მასპინძლებმა გოლი გაიტანეს. გვერდითმა არბიტრმა თამაშგარე მდგომარეობა დააფიქსირა, მაგრამ მთავარმა მსაჯმა გოლი მაინც ჩათვალა.

"ბარსელონას" იმდროინდელი ლიდერი, იოჰან კრუიფი იმდენხანს ითხოვდა მთავარი მსაჯისგან გვერდით არბიტრთან კონსულტაციის გავლას, რომ მას წითელი ბარათი უჩვენეს. ჰოლანდიელმა ვარსკვლავმა მოედნის დატოვებაზე უარი განაცხდა და სქმეში პოლიციის ჩართვა გახდა საჭირო - კრუიფი მოედნიდან სამართალდამცავებმა გაიყვანეს.

"ბარსელონამ" ის შეხვედრა 2:3 წააგო.