ფილიპე კოუტინიო და იერი მინა "ესპანიოლთან" მატჩის განაცხადში
რამდენიმე წუთის წინ, "ესპანიოლთან" ხვალ გასამართი მატჩის განაცხადი გახდა ცნობილი, რომელშიც "ბარსელონას" ახალწვეულები, ფილიპე კოუტინიო და იერი მინაც მოხვდნენ.
კოუტინიო განაცხადში 14 ნომრითაა შეყვანილი. განაცხადს მიღმა დარჩა ამ ნომრის ყოფილი მფლობელი ხავიერ მასკერანო, რაც იმას ნიშნავს, რომ არგენტინელი ფეხბურთელი გამოსამშვიდობებელ მატჩს არ ჩაატარებს.
აღსანიშნავია განაცხადში პაკო ალკასერის მოხვედრაც, რომელსაც, წელს, ტრავმის გამო, ჯერ არ უთამაშია.
"ბარსელონას" განაცხადი ასე გამოიყურება: ტერ შტეგენი, სილესენი, სემედუ, პიკე, რაკიტიჩი, ბუსკეტსი, ინიესტა, სუარესი, მესი, კოუტინიო, პაულინიო, ალკასერი, ალბა, დინი, ს. რობერტო, გომეში, ვიდალი, უმტიტი, მინა.
ესპანეთის ჩემპიონატის 1/4-ფინალის განმეორებითი შეხვედრა ხვალ ღამით, თბილისის დროით 00:30 საათზე გაიმართება. შეგახსენებთ, რომ "ბარსელონამ", "ესპანიოლის" სტადიონზე გამართული პირველი შეხვედრა ანგარიშით 0:1 წააგო.
ამ სიახლეზე კომენტარები გათიშულია.
კომენტარები [ 41 ]