MD: "ბარსელონამ" დემბელეს ტრავმა გამოიგონა
კატალონიური Mundo Deportivo სენსაციურ ინფორმაციას ავრცელებს. წყაროს ცნობით, "ბარსელონას" ფრანგი შემტევი უსმან დემბელე ტრავმირებული არაა და მისი დაზიანება კლუბმა "დორტმუნდისთვის" გადასახდელი ბონუსის თავიდან ასაცილებლად მოიგონა.
"ბარსელონამ" "დორტმუნდს", გასულ ზაფხულში, 105 მილიონი ევრო უკვე გადაუხადა. კიდევ 40 მილიონი ბონუსების სახითაა გათვალისწინებული, აქედან 20 მილიონი დემბელეს თამაშზეა დამოკიდებული.
კონტრაქტის ერთი პუნქტის თანახმად, თუ დემბელე, მიმდინარე სეზონში, 25 თამაშში მინიმუმ 45 წუთს ჩაატარებს, "ბარსელონა" "დორტმუნდს" 5 მილიონ ევროს გადაუხდის. ამჟამად, დემბელეს აქტივში 7 მატჩია, მაგრამ მხოლოდ 3 მათგანში ითამაშა 45 წუთი. ეს ნიშნავს, რომ დარჩენილია კიდევ 22 თამაში.
იმ შემთხვევაში, თუ "ბარსელონა" ჩემპიონთა ლიგის ფინალშიც გავიდა და ესპანეთის თასის ფინალშიც, დემბელეს დაბრუნების შემდეგ, გუნდს 23 თამაში ექნება დარჩენილი და თუ ფეხბურთელმა ორში მაინც არ ითამაშა, ან 45 წუთზე ნაკლები ითამაშა, "ბარსელონა" "დორტმუნდს" 5 მილიონს აღარ გადაუხდის.
Mundo Deportivo-ს ცნობით, სწორედ ბონუსია დემბელეს უთამაშებლობის მიზეზი და არა ტრავმა.
ამ სიახლეზე კომენტარები გათიშულია.
კომენტარები [ 12 ]