CIES: მესი 202 მილიონი ღირს, კოუტინიო - 123 მილიონი
ორგანიზაცია CIES Football Observatory-მ ევროპის წამყვან 5 ჩემპიონატში მოთამაშე ფეხბურთელების ღირებულებების სია განაახლა.
რეიტინგი რამდენიმე ფაქტორზეა დაფუძნებული. მოთამაშე საფეხბურთო შესაძლებლობების გარდა, გათვალისწინებულია მისი ასაკი, პოზიცია, კონტრაქტის ხანგრძლივობა, ეროვნულ ნაკრებში თამაში და ა.შ.
სიას სათავეში კვლავ ნეიმარი უდგას, რომელიც 213 მილიონ ევროდაა შეფასებული. მას, 202.2 მილიონი ევროთი, ლიონელ მესი მოსდევს. მე-3 ადგილზე 194.7 მილიონად შეფასებული ჰარი კეინია.
"ბარსელონას" ფეხბურთელებიდან ასეულში ლუის სუარესი (128.7 მილიონი, მე-14 ადგილი), ფილიპე კოუტინიო (123 მილიონი, მე-16 ადგილი), სამუელ უმტიტი (101.5 მილიონი, 25-ე ადგილი), მარკ-ანდრე ტერ შტეგენი (96.4 მილიონი, 31-ე ადგილი), უსმან დემბელე (96 მილიონი, 32-ე ადგილი), ივან რაკიტიჩი (72.3 მილიონი, 58-ე ადგილი) და სერხიო ბუსკეტსიც (58.4 მილიონი, 85-ე ადგილი) მოხვდნენ.
აღსანიშნავია, რომ მარკ-ანდრე ტერ შტეგენი და სამუელ უმტიტი ყველაზე ძვირადღირებული მეკარე და მცველი არიან.
რაც შეეხება "ოქროს ბურთის" მოქმედ მფლობელს, კრიშტიანუ რონალდუს, 80.4 მილიონით ის 49-ე ადგილს იკავებს.
ამ სიახლეზე კომენტარები გათიშულია.
კომენტარები [ 9 ]