გილემ ბალაგე: "ბარსელონა" კოუტინიოსა და გრიზმანს ერთად ვერ იყიდის
ცნობილი ესპანელი სპორტული ჟურნალისტი გილემ ბალაგე "ბარსელონას" მხრიდან ფილიპე კოუტინიოთი და ანტუან გრიზმანით დაინტერესების შესახებ საუბრობს.
"ლივერპულს" კოუტინიოს გაყიდვა არ უნდა. სწორედ ამ პოზიციას ინარჩუნებს კლუბი და ამის გამო, "ბარსელონაში" ოპტიმისტურად განწყობილები არ არიან.
ნათელია, რომ კატალონიელები ტრანსფერის იანვარში განხორციელებას შეეცდებიან, მაგრამ შეთანხმების მიღწევის კოუტინიოს გარემოცვასაც კი არ სჯერა, რადგან "ლივერპული" პოზიციას არ ცვლის.
ასევე ეჭვგარეშეა, რომ "ბარსელონას" გრიზმანი უნდა. კატალონიელები მზად არიან 100 მილიონი ევრო გადაიხადონ და ფეხბურთელი 2018 წლის ზაფხულში დაიმატონ.
"ბარსელონას" წარმომადგენლები ანტუანის ოჯახის წევრებს შეხვდნენ, დასაც კი, რომელიც ფეხბურთელის ფინანსურ საკითხებს განაგებს. სწორედ ამიტომ მიმართა "ატლეტიკომ" FIFA-ს.
"ბარსელონა" გრიზმანს, კოუტინიოს მსგავსად, პრიორიტეტულ ტრანსფერად განიხილავს, მაგრამ არა მგონია, კატალონიელებმა ორივე მათგანი დაიმატონ." - ციტირებს ბალაგეს სიტყვებს Sky Sports.
ამ სიახლეზე კომენტარები გათიშულია.
კომენტარები [ 7 ]