"ელ კლასიკოსთვის" მზადება გრძელდება და დღეს "ბარსელონას" ფეხბურთელებმა სიუტატ ესპორტივაზე კიდევ ერთხელ ივარჯიშეს. გუნდისგან ცალკე, სპეციალურ რეჟიმში ივარჯიშა ჟორდი ალბამ, თუმცა იმასთან დაკავშირებით, რომ მას ტრავმა აქვს, ინფორმაცია არ გავრცელებულა და სავარაუდოდ, ამის მიზეზი დაზიანება არ არის. ინდივიდუალურად ვარჯიშობენ ასევე სამუელ უმტიტი, არდა თურანი, პაკო ალკასერი და ჟერარ დეულოფეუ, უსმან დემბელემ და რაფინიამ კი გამოჯანსაღების პროცესი, ფაქტიურად, უკვე დაასრულეს და დღეს ერნესტო ვალვერდეს განკარგულებაში დანარჩენ ფეხბურთელებთან ერთად იყვნენ.