დიეგო სიმეონე: გრიზმანს წასვლის საშუალებას მივცემთ
მადრიდის "ატლეტიკოს" მთავარი მწვრთნელი დიეგო სიმეონე ადასტურებს, რომ მისი კლუბი მზადაა გუნდის ლიდერს, ანტუან გრიზმანს შეელიოს.
"ჩემი ფეხბურთელები მიყვარს და მიხარია, როდესაც ისინი პროგრესირებენ. უმადური ადამიანი არ ვარ.
თუ ფეხბურთელი მოვა და მეტყვის: "ცხოვრებისეული შანსი მომეცა, რომ ამ კლუბში ვითამაშო და წასვლა მინდა", თუ მას ჩემი კლუბისთვის ყველაფერი ექნება გაკეთებული, როგორც ეს გრიზმანის შემთხვევაშია, მაშინ ვეტყვი, რომ პრობლემა არაა. ვიცი, რომ მას პროგრესი სჭირდება.
რა თქმა უნდა, გრიზმანს შესაძლებლობა ექნება წავიდეს, როგორც დიეგო კოსტასა და არდა თურანს ჰქონდათ." - ციტირებს სიმეონეს სიტყვებს The Sun.
გავრცელებული ინფორმაციით, ანტუან გრიზმანის დამატების სურვილს "ბარსელონა" და "მანჩესტერ იუნაიტედი" გამოთქვამენ და ბრძოლაში ფავორიტი კატალონიური კლუბია, რომელიც ზაფხულში 100 მილიონი ევროს გადახდას აპირებს.
ამ სიახლეზე კომენტარები გათიშულია.
კომენტარები [ 8 ]