თითქმის 2 წლის შემდეგ, ტომას ვერმალენი ისევ "ბარსელონას" ძირითად შემადგენლობაშია
რამდენიმე წუთის წინ ცნობილი გახდა "ბარსელონას" ძირითადი შემადგენლობა "ვალენსიასთან" მატჩისთვის. როგორც იცით, გუნდს დისკვალიფიკაციის გამო ვერ ეხმარება ჟერარ პიკე, რომლის შემცვლელიც დღეს ტომას ვერმალენია - საკმაოდ მაღალი დონის ფეხბურთელი, რომელიც განუწყვეტელი ტრავმების გამო კლუბის განაცხადშიც კი ძალიან ხშირად ვერ ხვდება. აღსანიშნავია, რომ ბოლოს ბელგიელმა "ბარსელონას" სასტარტო შემადგენლობაში თამაში 2016 წლის 23 იანვარს, ლა ლიგის 21-ე ტურში, "მალაგას" წინააღმდეგ შეხვედრაში (2-1) დაიწყო.
ამის შემდეგ ვერმალენმა ერთი სეზონი "რომაში" გაატარა, სადაც 12 მატჩში მიიღო მონაწილეობა, დაბრუნების შემდეგ კი "ბლაუგრანას" მაისური მხოლოდ ერთხელ მოირგო.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]