"სიტის", "ჩელსისა" და პსჟ-ს მესის გადაბირების იმედი აქვს
"ბარსელონას" არგენტინელ ლიდერს, ლიონელ მესის "მანჩესტერ სიტი", "ჩელსი" და "პარი სენ-ჟერმენი" ფინანსურად მიმზიდველ პირობებს სთავაზობენ. ამ ინფორმაციას Okdiario ავრცელებს.
წყაროს ცნობით, ამ სამ ევროპულ კლუბში ფიქრობენ, რომ მესი "ბარსელონაში" ძველებურად ბედნიერი აღარაა და მათ იმედი აქვთ, რომ არგენტინელს ზაფხულში გადაიბირებენ.
ბოლო წლებში, მესის "ბარსელონადან" შესაძლო წასვლის შესახებ ინფორმაცია არაერთხელ გავრცელდა. ცნობილია, რომ მას ფინანსურად იმაზე გაცილებით უკეთეს პირობებს სთავაზობდნენ, ვიდრე "ბარსელონაში" აქვს, მაგრამ ფეხბურთელმა კატალონია მაინც არ დატოვა. ერთადერთი კლუბი, რომელშიც გადასვლის სურვილსაც მესი ღიად აფიქსირებს, არგენტინული "ნიუელს ოლდ ბოისია".
ბოლო დღეებში გავრცელებული ინფორმაციის თანახმად, მესიმ "ბარსელონასთან" ახალი კონტრაქტი უკვე გააფორმა და კატალონიელები ახლა მასთან უვადო ხელშეკრულების გაფორმებაზე მუშაობენ.
ამ სიახლეზე კომენტარები გათიშულია.
კომენტარები [ 5 ]