ლუკა დინი: "მესი საუკეთესოა და ის ამას ყოველდღე ამტკიცებს"
"ოლიმპიაკოსთან" გამართული მატჩის შემდეგ ჟურნალისტებთან ისაუბრა ლუკა დინიმ, რომელმაც აღნიშნულ შეხვედრაში გოლის გატანა მოახერხა და საკმაოდ კარგი შთაბეჭდილებაც დატოვა.
"კარგია, რომ გავიტანე და ამით გუნდის დახმარება მოვახერხე.
მნიშვნელოვანია, ყველა ფეხბურთელმა თავისი საქმე მაქსიმალურად კარგად გააკეთოს და ასე ჩვენ ყოველთვის შევძლებთ გამარჯვებას.
ვეცდები, ჩემი შედეგები გავაუმჯობესო და გუნდის შემადგენლობაში ადგილი მალე დავიმკვიდრო" - აცხადებს 24 წლის ფეხბურთელი.
მან კომენტარი გააკეთა თავის თანაგუნდელზე, ლიონელ მესიზე, რომელმაც "ოლიმპიაკოსთან" საიუბილეო, მე-100 გოლი გაიტანა ჩემპიონთა ლიგის ეგიდით.
"მესი უბრალოდ საუკეთესოა და ის ამას ყოველდღე ამტკიცებს."
დინი კმაყოფილია ერნესტო ვალვერდეს მუშაობითაც:
"მწვრთნელი ყველაფერს ძალიან კარგად აკეთებს. ამ მომენტისთვის ყველა ტურნირზე ვლიდერობთ და ეს სწორედ მისი და მთელი სამწვრთნელო შტაბის დამსახურებაა" - განაცხადა ფრანგმა.
ჯერჯერობით უცნობია, თუ რამდენ ხანს იუქმებს ჟორდი ალბა, ასე რომ, დინის თავის გამოჩენის შანსი ახლო მომავალში ისევ ექნება.
ამ სიახლეზე კომენტარები გათიშულია.
კომენტარები [ 2 ]