„ბარსას“ ალის შესაძენად დიდი ფინანსური რესურსების გამოყოფა მოუწევს
"ბარსელონას" ხელმძღვანელობა "ტოტენჰემის" ნახევარმცველს, დელე ალის უმიზნებს.
პეპ სეგურას, რომელიც ინგლისელის ირგვლივ განვითარებულ მოვლენებს პირადად აკვირდება, მისი თამაშის სტილი მოსწონს, იტყობინება Diario Sport.
წყაროს ინფორმაციით, ტრანსფერს ფინანსური საკითხები უშლის ხელს - "ტოტენჰემი" წამყვანი მოთამაშის სანაცვლოდ დიდ თანხას აუცილებლად მოითხოვს. ამასთანავე, "ბარსელონას" მოუწევს ალის იმაზე მეტი ფული გადაუხადოს, ვიდრე მას ტოტენჰემი ჰპირდება - შეთავაზებამ კვირაში 90 ათას ფუნტს უნდა გადააჭარბოს, რაც არცთუ ისე მარტივი იქნება.
ალისთან პარტნიორული კავშირის დამყარება თანამედროვე ფეხბურთის 2 გამორჩეულ აგენტს - ჟორჟე მენდეშსა და მინო რაიოლას სურთ. როგორც მოსალოდნელია, ნებისმიერი მათგანი იქნება დაინტერესებული მოთამაშის "კამპ ნოუზე" გადაბარგების შესაძლებლობით.
ამ სიახლეზე კომენტარები გათიშულია.
კომენტარები [ 5 ]