AS: " მანჩესტერ სიტი" მზადაა მესის ტრანსფერში 400 მილიონი დახარჯოს
ევროპულ პრესაში ლიონელ მესის "მანჩესტერ სიტიში" შესაძლო გადასვლის შესახებ ხმების გავრცელება კვლავ განახლდა. ამჯერად, მადრიდულმა AS-მა გაავრცელა ინფორმაცია, რომლის თანახმადაც, ინგლისური კლუბი მზადაა არგენტინელის გადასაბირებლად 400 მილიონი ევრო დახარჯოს.
მესისა და "ბარსელონას" შორის გაფორმებულ კონტრაქტს ვადა მიმდინარე სეზონის ბოლოს გასდის. გავრცელებული ინფრომაციით, "სიტი" მოვლენების განვითარებას აკვირდება და თუ შეატყო, რომ ფეხბურთელი ხელშეკრულების გახანგრძლივებას არ აპირებს, მას შეთავაზებას გაუკეთებს.
ხსენებული 400 მილიონი არაა სატრანსფერო თანხა, რომელსაც "ბარსელონა" მიიღებს. თუ მესიმ კონტრაქტი არ გაახანგრძლივა, მის "სიტიში" გადასვლის სანაცვლოდ კატალონიელები ვერაფერს მიიღებენ. 400 მილიონი ის თანხაა, რომელსაც "ქალაქელები" არგენტინელის ხელფასსა და სხვა ხარჯებში გადაიხდიან.
ამ სიახლეზე კომენტარები გათიშულია.
კომენტარები [ 6 ]