ევროპის ჩემპიონატის შესარჩევი: ხუთივე "ბარსელონელმა" მოიგო
გუშინ, ევროპის ჩემპიონატის საკვალიფიკაციო ეტაპზე, ევროპის ზონაში, ბოლოსწინა ტურის 9 შეხვერა გაიმართა, რომელშიც მონაწილეობა "ბარსელონას" ფეხბურთელების ოთხმა გუნდმა მიიღო.
სამუელ უმტიტისა და ლუკა დინის საფრანგეთმა ბულგარეთი სტუმრად 1:0 დაამარცხა და ჯგუფში პირველი ადგილი შეინარჩუნა. "ბარსელონას" ორივე მცველმა შეხვედრა სრულად ჩაატარა.
იმავე ჯგუფში, ბელარუსში 3:1 მოიგო იასპერ სილესენის ჰოლანდიამ, რომელიც ფინალურ ეტაპზე გასვლის მხოლოდ თეორიულ შანსს ინარჩუნებს. ჰოლანდიელთა კარს სწორედ სილესენი იცავდა.
ანდრე გომეშის პორტუგალიამ ანდორაში 2:0 იმარჯვა და პირველ ადგილზე გასვლის შანსი შეინარჩუნა. "ბარსელონას" ნახევარმცველი სათადარიგო იყო.
ბოსნიაში გამართულ დაძაბულ ბრძოლაში 4:3 მოიგო ბელგიამ, რომელსაც პირველი ადგილი განაღდებული აქვს. ტომას ვერმალენმა სრულად ითამაშა და 54-ე წუთზე ყვითელი ბარათიც მიიღო.
დღეს, მარკ-ანდრე ტერ შტეგენის გერმანია აზერბაიჯანს უმასპინძლებს.
ამ სიახლეზე კომენტარები გათიშულია.
კომენტარები [ 5 ]