"ბარსელონას" მთავარი მწვრთნელი ერნესტო ვალვერდე განმარტავს, თუ რატომ არ ათამაშა ლუის სუარესი ესპანეთის ჩემპიონატის მე-5 ტურში "ეიბართან" გუშინ გამართულ მატჩში, რომელიც კატალონიურმა კლუბმა 6:1 მოიგო.

"ვფიქრობ, ეს პაუზა სუარესზე სათანადოდ იმოქმედებს. ლუისი თავს კარგად გრძნობს, მაგრამ ვიფიქრე, რომ შესვენება მასზე კარგ გავლენას მოახდენს. იმედი გვაქვს, ეს მისთვის ყოველმხრივ სასარგებლო იქნება.

ამ მატჩში რამდენიმე ფეხბურთელის დასვენების შესაძლებლობა გვქონდა, სხვებს კი მოედანზე გასვლის შანსი მივეცით, რადგან ისინი ამას იმსახურებენ", - ციტირებს ვალვერდეს სიტყვებს Marca.