პაულო დიბალა: მესისთან ერთად თამაში რთულია
"იუვენტუსის" ვარსკვლავი პაულო დიბალა, რომელიც დღეს მოედანზე "ბარსელონას" წინააღმდეგ გამოვა, კატალონიელთა არგენტინელ ლიდერთან, ლიონელ მესისთნ ერთად ეროვნულ გუნდში თამაშზე საუბრობს.
"მესი ჩემ პოზიციაზე თამაშობს და მისგან ბევრი რამის სწავლა შემიძლია. მაგალითად, თამაშის ინტერპრეტირება, საფეხბურთო ინტელექტი მოედანზე თანაგუნდელების გადაადგილებაზე დაკვირვება. მომავალში, ეს ყველაფერი ძალიან გამომადგება.
რა თქმა უნდა, ძალიან გამიმართლა, ასეთი ფეხბურთელის გვერდით რომ ვთამაშობ. თუმცა, მასთან ერთად, ერთ გუნდში თამაში რთულია, რადგან ჩვენ ერთი პოზიციის ფეხბურთელები ვართ. ნებისმიერ შემთხვევაში, სწორედ მე მომიწევს მასთან ადაპტირება და უნდა შევეცადო, ლეომ მოედანზე თავი კომფორტულად იგრძნოს." - ციტირებს დიბალა სიტყვებს Marca.
მესი და დიბალა ერთმანეთს დღს, "კამპ ნოუზე", თბილისის დროთ 22 საათსა და 45 წუთზე დაუპირისპირდებიან.
ამ სიახლეზე კომენტარები გათიშულია.
კომენტარები [ 6 ]