იურგენ კლოპი: "ხელშეუხებელი ფეხბურთელები არ არსებობენ, მაგრამ კოუტინიოს არანაირ თანხად არ გავყიდით"
"ლივერპულის" მთავარი მწვრთნელი იურგენ კლოპი აცხადებს, რომ მისი გუნდი ფილიპე კოუტინიოს არანაირ თანხად არ შეელევა.
ბოლო დროს გავრცელებული არაერთი ჭორის საპასუხოდ, კლოპმა ასეთი კომენტარი გააკეთა: "თუ საკითხს ფინანსურად შევხედავთ, არ არსებობს ლიმიტი, არ არსებობს თანხა, რომლის სანაცვლოდაც ჩვენ მას გავუშვებთ.
ჩვენი მიზანი საუკეთესო გუნდის შექმნაა. ამიტომ, არსებულ ფეხბურთელებს შევინარჩუნებთ და ახლებს დავიმატებთ. ესაა ჩვენი გეგმა.
დღეს, ხელშეუხებელი ფეხბურთელები არ არსებობენ. ტრანსფერი მხოლოდ დროის საკითხია და თუ საშუალება გაქვს, რეაგირება უნდა მოახდინო. უნდა დაისვას კითხვა, გაქვს თუ არა დრო რეაგირებისთვის. თუმცა, არ გვსურს ამ საკითხზე მხოლოდ ერთი კლუბის მომართვის გამო ვიფიქროთ. ასეთ სიტუაციაში არ ვართ.
"ლივერპული" არაა გუნდი, რომელმაც ფეხბურთელები უნდა გაყიდოს და არ აქვს მნიშვნელობა, რამდენს იხდის სხვა კლუბი." - ციტირებს კლოპის სიტყვებს Sky Sports.
ამ სიახლეზე კომენტარები გათიშულია.
კომენტარები [ 34 ]