"ბარსამ", შესაძლოა, ნეიმარის სატრანსფერო სერთიფიკატი პარიზში 18 აგვისტომდე არ გაგზავნოს
კატალონიის "ბარსელონას" ყოფილი და "პარი სენ-ჟერმენის" ამჟამინდელი ფორვარდის, ნეიმარ ჟუნიორის დებიური პარიზულ კლუბში ისევ კითხვისნიშნის ქვეშ დგას.
როგორც ფრანგული გამოცემა L'Equipe იტყობინება, "ბარსელონას" ნეიმარის სატრანსფერო სერთიფიკატი პარიზში ჯერ კიდევ არ გაუგზავნია, ამის გარეშე კი ფეხბურთელს თამაშის უფლება არ აქვს.
პსჟ-ს "გენგამთან" მატჩი კვირას ელის და ნეიმარი ამ შეხვედრაში მხოლოდ იმ შემთხვევაში მიიღებს მონაწილეობას, თუ "ბარსელონა" პარიზულ კლუბს სატრანსფერო სერთიფიკატს შაბათს, 23:59 საათამდე გადასცემს.
გავრცელებული ინფორმაციის თანახმად, "ლურჯ-ბროწეულისფრები" სატრანსფერო სერთიფიკატის პარიზში გაგზავნას 18 აგვისტომდე არ აპირებენ.
შეგახსენებთ, რომ ლიგა 1-ის პირველ ტურში პსჟ "ამიენსს" დაუპირისპირდა და სწორედ ამ მიზეზით ვერ შედგა 25 წლის ბრაზილიელის დებიუტი აღნიშნულ მატჩში და, შესაძლოა, ეს საქმე კიდევ გაჭიანურდეს.
ამ სიახლეზე კომენტარები გათიშულია.
კომენტარები [ 10 ]