3 ფეხბურთელი, რომლებიც, შესაძლოა, კოუტინიოს ტრანსფერში ჩაერთონ
ფილიპე კოუტინიო მიმდინარე ზაფხულში "ბარსას" მთავარ სატრანსფერო მიზანს წარმოადგენს. თუ გავითვალისწინებთ იმ თანხას, რომელსაც მერსესაიდელები თავიანთი ლიდერისთვის ითხოვენ, "ბარსელონამ", შესაძლოა, ტრანსფერში რომელიმე ფეხბურთელი ჩართოს.
რაფინიას შესაძლებლობები სათანადოდ ლუის ენრიკემ ვერ/არ გამოიყენა და ახალგაზრდა ნახევარმცველი, პრესის ინფორმაციით, ერნესტო ვალვერდეს გეგმებშიც არ ჯდება. მიუხედავად ამისა, ინგლისში მას საკმაოდ კარგ ფეხბურთელად თვლიან. თანაც, ასევე პრესის ცნობით, "ლივერპული" მისი შეძენითაა დაინტერესებული და ახლა, როცა კატალონიელებს ფილიპე კოუტინიო სურთ, არაა გამორიცხული, მერსესაიდელთა ინტერესი მათ თავის სასარგებლოდ გამოიყენონ.
არდა თურანი, მიუხედავად იმისა, რომ ის და მისი აგენტი არ მალავენ "ბარსელონაში" დარჩენის სურვილს, წასვლის ერთ-ერთი მთავარი კანდიდატია და კოუტინიოს ტრანსფერი თუ გაოფიციალურდა, ერთ-ერთი მთავარი მსხვერპლიც სწორედ ის იქნება. თურქი ფეხბურთელის თამაშის ხარისხი საგრძნობლად დაბალია იმასთან შედარებით, რასაც იგი კლუბში მოსვლამდე, "ატლეტიკოში" აჩვენებდა. "ბლაუგრანას" ხელმძღვანელობის დავალებით მისმა აგენტმა თურანი "არსენალს" შესთავაზა, თუმცა დადებითი შედეგი ვერ მიუღია.
მესამე ვარიანტი კი ახალგაზრდა დენის სუარესია. რომელმაც "ბარსელონას" მთავარ გუნდამდე "ბარსა ბ", "სევილია" და "ვილიარეალი" გამოიარა. კარგი შემოთავაზების შემთხვევაში, არაა გამორიცხული კლუბი მას შეელიოს. მიუხედავად ამისა, ნეიმარის წასვლის შემთხვევაში, დენის სუარესს, რომელსაც ბრაზილიელის ფლანგზეც შეუძლია თამაში, საკუთარი შესაძლებლობების წარმოჩენის მეტი შანსი ექნება.
ამ სიახლეზე კომენტარები გათიშულია.
კომენტარები [ 8 ]