ბართომეუ: "ნეიმარის გაყიდვიდან მიღებული თანხით გუნდს გავაძლიერებთ"
"ბარსელონას" პრეზიდენტი ხოსეპ მარია ბართომეუმ თითქმის ადასტურებს, რომ ნეიმარის "პარი სენ ჟერმენში" გადასვლა გადაწყვეტილია და ასევე აცხადებს, რომ პარიზელებს 222 მილიონის სრულად გადახდა მოუწევთ.
"ჩვენ გვინდა, რომ ნეიმარი "ბარსელონაში" დარჩეს, მაგრამ მის კონტრაქტში გამოსასყიდი თანხაა მითითებული. თუ წასვლა გინდათ, უნდა გადაიხადოთ. ჩვენ არაფერი განგვიხილავს. როდესაც ესპანეთში დავბრუნდებით, მასთან ერთად დავსხდებით და ვისაუბრებთ.
იმ ფულით, რომელსაც მისი გაყიდვიდან მივიღებთ, გუნდის გაძლეირებას შევძლებთ. პსჟ? პარიზელებს გამოსასყიდი თანხის ბოლო ცენტამდე გადახდა მოუწევთ." - ციტირებს ბართომეუს სიტყვებს AS.
გავრცელებული ინფორმაციით, "პარი სენ ჟერმენი" ცდილობს, ნეიმარის სატრანსფერო თანხა გარიგებაში სხვა ფეხბურთელის ჩართვით შეამციროს. ამის მიზეზი ფინანსური ფეარ ფლეია. თუმცა, "ბარსელონას" 222 მილიონის სრულად მიღება სურს.
ამ სიახლეზე კომენტარები გათიშულია.
კომენტარები [ 31 ]